Ekki lengur hægt að fá popp og kók í Smárabíói

„Tvö af öflugustu vörumerkjum landsins á sviði afþreyingar og drykkja sameina nú krafta sína þegar Pepsi Max verður á ný drykkjarvörusamstarfsaðili Smárabíós frá og með 15. september. Samstarfið markar upphaf nýs kafla þar sem markmiðið er að gera bíóferðina að enn betri upplifun fyrir íslenska bíógesti,“ segir í fréttatilkynningu um samstarf Ölgerðarinnar og Smárabíós.

Talsverða athygli vakti árið 2017 þegar Vísir greindi frá því að Smárabíó hefði hafið að bjóða upp á kók og væri þar með orðið annað tveggja bíóhúsa á höfuðborgarsvæðinu til að gera slíkt, eftir að Laugarásbíó hafði setið eitt að kókinu um nokkurra ára skeið.

Laugarásbíó býður enn upp á kók en það gerir Bíó paradís einnig og því hafa kókþyrstir kvikmyndaáhugamenn úr tveimur bíóhúsum að velja.