Íslendingar erlendis

Fréttamynd

Ás­laug lék eftir útskriftarpósu móður sinnar

Áslaug Arna Sigurbjörnsdóttir, fyrrverandi ráðherra og þingmaður í leyfi, útskrifaðist úr MPA námi frá Columbia háskólanum um helgina. Hún birti mynd af sér í fötum sem líktust þeim sem móðir hennar var í þegar hún útskrifaðist úr námi í Bandaríkjunum fyrir fjórum áratugum.

Lífið
Fréttamynd

„Auð­veldara hér að vera bara eins og maður er“

„London er þannig borg að maður sér eitthvað undarlegt nánast daglega,“ segir vöruhönnuðurinn Theodóra Alfreðsdóttir sem hefur verið búsett í stórborginni í fjórtán ár og hefur vakið athygli og lukku fyrir eigin hönnunarlínu. Theodóra er fædd árið 1986 og hefur alla tíð verið skapandi. Hún ræddi við blaðamann um lífið úti og listina.

Tíska og hönnun
Fréttamynd

Icelandair hafði betur gegn ósáttum að­dáanda Oasis

Íslendingur sem skellti sér á tónleika Oasis í Manchester í pakkaferð Icelandair á ekki rétt á endurgreiðslu þrátt fyrir að afhending á tónleikamiðanum hafi farið fram síðar en boðað hafði verið. Flugfélagið bauð tónleikagestinum inneign í sárabætur en því boði var ekki svarað.

Neytendur
Fréttamynd

„Ég viður­kenni al­veg að ég mun sakna Tenerife“

Anna Kristjánsdóttir, Tenerife-búi og vélstýra, kveður í dag eyjuna fögru eftir tæplega sjö ára dvöl. Hún hefur notið Tenerife-lífsins í botn og snýr heim til Íslands af heilsufarslegum og félagslegum aðstæðum. Hún á eftir sakna ýmislegs og kemur til með að vera með annan fótinn á eyjunni næstu árin.

Lífið
Fréttamynd

Þúsund ís­lensk ung­menni leggja undir sig Krít

Útlit er fyrir að rúmlega eitt þúsund íslenskir framhaldsskólanemar verði á grísku eynni Krít í byrjun júní. Stórt verkefni er að koma öllum til og frá eynni og þarf að nýta leiguflug til að ferja mannskapinn.

Innlent
Fréttamynd

Hulda í hópi fjöru­tíu bestu undir fer­tugu

„Þetta hefur mikla þýðingu fyrir mig persónulega. Það liggur mikil vinna og seigla á bak við svona ferðalag og í jafn harðri samkeppni og þessum bransa gefur svona viðurkenning manni sannarlega byr undir vængina til að halda áfram og treysta á eigin sýn og innsæi,“ segir arkitektinn Hulda Jónsdóttir, stofnandi og eigandi HJARK arkitekta. Hún verið valin í „Europe 40 Under 40“ sem eru virt verðlaun í heimi arkitekta og hönnuða.

Lífið
Fréttamynd

Tveir afar hjóla 3.500 kíló­metra yfir Banda­ríkin

Hjólreiðamennirnir og perluvinirnir Einar Guttormsson og Hartmann Guðmundsson vinna nú mikið þrek en þeir eru um þessar mundir í heljarinnar hjólaferð um vesturströnd Bandaríkjanna, frá Seattle til Arizona. Þetta er gert til styrktar Parkinsonsamtökunum. Einar er sjálfur með parkinson en lætur það ekki stöðva sig.

Lífið
Fréttamynd

Blómstrar á Ítalíu og venst skömmum inn­fæddra

„Maður lendir mjög oft í skemmtilegum týpum sem skamma mann og segja manni til og maður fær voða sjaldan að gera hluti í friði,“ segir listakonan Rakel Rögnvaldsdóttir sem er búsett í Mílanó og lærir þar grafíska hönnun og listræna stjórnun. Hún stendur á spennandi tímamótum en hefur lært gríðarlega mikið af því að búa á Ítalíu síðastliðin tvö og hálft ár.

Lífið
Fréttamynd

Hittu sjálfan Jacquemus í New York

Teboðsskvísurnar og hlaðvarpsstýrurnar Sunneva Einarsdóttir og Birta Líf Ólafsdóttir eru staddar í New York með Hildi Sif Hauksdóttur og Páli Orra Pálssyni í sannkallaðri pæjuferð. Skvísurnar tóku upp hlaðvarpsþátt í stórborginni, djömmuðu á flöskuborði á skemmtistaðnum Marquee í New York og hittu uppáhalds tískuhönnuðinn þeirra, Simon Porte Jacquemus.

Tíska og hönnun
Fréttamynd

Halli gat ekki hamið sig, braut reglurnar og kyssti Jenu

Íslendingurinn Haraldur Sigvaldason, kallaður Halli, er meðal keppenda í dönsku raunveruleikaþáttunum Hotel Romantik sem fjalla um tuttugu eldri borgara í leit að ástinni. Strax í fyrsta þætti hreifst Halli af náttúrulækninum Jenu og í öðrum þætti yfirgaf hann stefnumót með annarri konu til að kyssa Jenu á munninn.

Lífið
Fréttamynd

Kol­féllu fyrir Brooklyn í hjónasportinu

„Undirbúningurinn gerði veturinn mikið skemmtilegri og þetta var ákveðin gulrót, að heimsækja bestu borgina og undirbúa okkur í leiðinni,“ segir Katrín Eyjólfsdóttir en hún og eiginmaður hennar Davíð Steinn Sigurðarson skelltu sér í ógleymanlega hjónaferð til New York þar sem þau hlupu saman hálfmaraþon. Blaðamaður tók púlsinn á þeim og fékk að heyra nánar frá undirbúningnum og upplifuninni.

Lífið
Fréttamynd

Fall­hlífin byrjaði að snúast eftir opnun

Fyrrverandi formaður danska fallhlífasambandsins til margra ára varð vitni að banaslysinu í dag þar sem íslenskur maður á þrítugsaldri lét lífið. Hann segir að skömmu eftir að fallhlífin opnaðist hafi hún snúist upp á sig.

Innlent
Fréttamynd

Ungi Ís­lendingurinn var nemandi í fallhlífaskóla

Ungi íslenski karlmaðurinn sem lést í fallhlífarstökki í Danmörku í morgun var þar í fallhlífanámi. Lögreglan á Fjóni segir við Vísi að hann hafi ekki verið með lögheimili í Danmörku. Að sögn varaformanns Fallhlífasambands Danmerkur var um svokallað „static spring“-stökk að ræða, sem þykir ein öruggasta kennsluaðferðin í fallhlífastökki.

Innlent
Fréttamynd

Námið ekki eins krefjandi og á Tene

Fiðluleikarinn Matthildur Traustadóttir fæddist á Ítalíu, ólst upp á Spáni, gekk í menntaskóla á Íslandi og lærir nú við tónlistarháskólann Oberlin í Bandaríkjunum. Lengi vel átti hún erfitt með að velja á milli balletts og fiðluleiks og spiluðu álagsmeiðsli inn í endanlegt val. Matthildur er ein fjögurra sem kemur fram á tónleikunum Ungum einleikurum með Sinfóníuhljómsveit Íslands í kvöld.

Tónlist
Fréttamynd

Hákon Þór hvarf spor­laust í Búda­pest

Hákon Þór Elmers, 53 ára faðir frá Íslandi, hvarf sporlaust í Ungverjalandi laugardagskvöldið 11. apríl, eftir að hafa stungið af á flugvelli í höfuðborginni Búdapest. Síðustu þrjá til fjóra mánuði hefur Hákon dvalið á hóteli í borginni en hann er sagður hafa virst ringlaður þegar síðast sást til hans.

Innlent
Fréttamynd

Mætti hættu­legasta dýri Afríku og hélt að það væri „ein­hver belja“

„Það var einmitt í þetta eina skipti sem flóðhestur tók upp á því að ráðast á bátinn, velta honum og fleygja mér út í vatnið,“ segir hinn 31 árs gamli Torfi Ólafsson sem hefur undanfarin ár starfað sem þyrluflugmaður í Botswana í Afríku. Hann hefur sannarlega lifað ævintýraríku og einstöku lífi, meðal annars verið að stöðva veiðiþjófa á svæðinu og ræddi við blaðamann um sitt daglega líf.

Lífið
Fréttamynd

Lauf­ey með lag í nýja Pradadjöflinum

Stórstjarnan Laufey Lín mætti á stjörnum prýdda forsýningu framhalds hátískumyndarinnar The Devil Wears Prada. Var hún þar í hópi tískudrottninga og ekkert gefið eftir í flottheitum. 

Lífið
Fréttamynd

Hleypur um LA og ætlar að vinna Bak­garðinn

„Ég er hvergi eins lifandi og þegar ég er kominn tuttugu kílómetra inn, þá líður mér best. Hlaupin hafa líka hjálpað mér mikið með andlega heilsu,“ segir hinn 22 ára gamli Ríkarður Eyberg Árnason sem er búsettur í Los Angeles og starfar þar hjá spelkufyrirtæki. Samhliða því er hann mikill hlaupari og tók meðal annars þátt í LA maraþoninu í vetur.

Lífið
Fréttamynd

Rákust á Mamdani yfir morgunbollanum

„Stemningin er spennuþrungin og maður finnur betur fyrir því þegar maður fylgist með fjölmiðlunum hér. Þetta er klofin þjóð og maður upplifir hana þannig þótt við séum í blárri búbblu hér í þessari litlu háskólaborg,“ segir parið Halla Hauksdóttir og Flóki Larsen sem eru búsett í Íþöku í ofanverðu New York-fylki í um fjögurra klukkustunda keyrslu frá stórborginni. Blaðamaður ræddi við þau um lífið í Bandaríkjunum.

Lífið
Fréttamynd

Ás­laug Arna boðar endur­komu á Al­þingi

Áslaug Arna Sigurbjörnsdóttir ætlar sér aftur á þing í maí þegar hún lýkur námi sínu í New York. Þetta staðfesti Áslaug á samfélagsmiðlinum Instagram en hún hefur verið í námi í Columbia háskóla síðastliðið ár.

Innlent
Fréttamynd

Bryn­dís Líf orðin móðir

Áhrifavaldurinn og fegurðardrottningin Bryndís Líf Eiríksdóttir er orðin móðir. Hún eignaðist frumburðinn 10. apríl með kærasta sínum Stefáni Jónssyni en þau eru búsett í San Diego borg í Kaliforníu.

Lífið
Fréttamynd

Lauf­ey Lín sló í gegn á Coachella

Stórstjarnan Laufey Lín tróð í gær upp á einni vinsælustu tónlistarhátíð í heimi, Coachella sem haldin er í eyðimörk við borgina Palm Desert í Coachella Valley í Kaliforníu. 

Tónlist
Fréttamynd

Gerir yfir­bót eftir vítis­engla­hótanir um páskana

Hálfíslenskur þingmaður á norska þinginu segist hafa látið fé af hendi rakna til góðgerðarsamtaka til þess að gera yfirbót eftir að hann hafði í hótunum við mann um páskana. Hótaði þingmaðurinn meðal annars að senda vítisengla á manninn.

Erlent

Mest lesið