Gosið ekki í ís

Ari Trausti Guðmundsson jarðeðlisfræðingur segir að bjarminn sem kemur frá gosinu bendi til þess að þarna komi glóandi kvika. Gosið komi ekki upp í ís því ef svo væri þá væri gjóskufjallið meira.

Ari sagði i samtali við Bylgjuna í nótt að ástæðan fyrir því að fólk áttaði sig ekki á því hversu stórt gosið væri, væri sú að skýjafarið villti um fyrir fólki. Bjarminn hyrfi því og ykist á víxl.

Ari Trausti sagði engar beinar vísbendingar ennþá um að þetta væri stórkostlegt gos. Það gæti hins vegar mögulega átt eftir að bæta í á næstu vikum, jafnvel mánuðum.