Bandaríkjamenn hafa sett enn harðari viðskiptaþvinganir á Íran eftir mikil mótmæli í landinu um helgina sem beindust gegn Bandaríkjunum.
Ríkisstjórn Trumps forseta ákvað í kjölfarið að setja allar þær þvinganir á aftur sem voru í gildi áður en kjarnorkusamningurinn við Íran var gerður árið 2015, sem Trump hefur nú numið úr gildi.
Þvinganirnar beinast að Íran en einnig að öllum ríkjum sem eiga í viðskiptum við landið og koma niður á olíuútflutningi, skipaferðum og fjármálastarfsemi, svo nokkuð sé nefnt.
Þúsundir Írana söfnuðust saman á götum landsins um helgina og mótmæltu stefnu Bandaríkjanna og íranski herinn áformar heræfingar til að sýna mátt sinn á næstu dögum.
Herða á þvingunum gagnvart Íran
Tengdar fréttir
Bandaríkin blása lífi í allar viðskiptaþvinganirnar
Ríkisstjórn Donalds Trump Bandaríkjaforseta hefur í hyggju að endurvekja allar þær viðskiptaþvinganir sem hún lagði á Íran, áður en kjarnorkusamningurinn svokallaði var undirritaður árið 2015.
„Bandarísk stjórnvöld hugsa ekki um öryggishagsmuni bandamanna sinna í Evrópu"
Enginn er óhultur fyrir kjarnorkuvopnum ef Atlantshafsbandalagið breytir ekki stefnu sinni gagnvart slíkum vopnum segir talsmaður samtaka gegn kjarnorkuvopnum. Hann segir NATO-ríki elta Bandaríkin í blindni í afstöðu sinni til kjarnorkuvopna.
