Erlent

Brottfarir frá Heathrow stöðvaðar vegna dróna

Andri Eysteinsson skrifar
Lögreglu var tilkynnt um drónaflug í nágrenni Heathrow flugvallar. Í kjölfarið voru brottfarir stöðvaðar.
Lögreglu var tilkynnt um drónaflug í nágrenni Heathrow flugvallar. Í kjölfarið voru brottfarir stöðvaðar. EPA/ Andy Rain
Brottfarir frá Heathrow flugvellinum í London voru stöðvaðar tímabundið í dag vegna drónaflugs. Talskona flugvallarins sagði að gripið hafi verið til aðgerðanna til að tryggja öryggi á flugvellinum. BBC greinir frá.

Í desember síðastliðnum kom til lokana á Gatwick, einnig vegna drónaflugs. Drónaflugið á Gatwick olli lokunum í þrjá daga og höfðu lokanirnar áhrif á yfir eitt þúsund flug og yfir 140.000 farþega. Tvennt var handtekið vegna málsins en var síðar sleppt án ákæru.

Bresku lögreglunni barst tilkynning um drónaflug laust eftir klukkan 17:00 og var þá tekin ákvörðun um að stöðva brottfarir frá Heathrow. Brottfarir hófust aftur rúmum klukkutíma síðar.

Samgönguráðherra Bretlands, Chris Gayling, sagði við BBC að hann hefði verið í samskiptum við Heathrow sem og innanríkisráðherra og varnarmálaráðherra Bretlands vegna málsins.

Lokanirnar höfðu engin áhrif á flug íslenskra flugfélaga.

Bretland Fréttir af flugi

Tengdar fréttir

Grunaðir drónaflugmenn leystir úr haldi

Parið sem handtekið var grunuð um að bera ábyrgð á drónaflugi yfir Gatwick var sleppt úr haldi í dag. Lögregla telur þau ekki bera sök.

Gatwick opnaður á ný

Búið er að opna Gatwick-flugvöllinn á ný eftir að flugvallaryfirvöld neyddust til að loka honum og stöðva alla flugumferð vegna dróna sem var á sveimi yfir vellinum.

Mest lesið


Fleiri fréttir

Sjá meira


×

Mest lesið