Nánast öllu millilandaflugi í dag aflýst

Í dag átti samkvæmt áætlun að fljúga fjörutíu og fjórar ferðir til áfangastaða í Norður-Ameríku og Evrópu frá Keflavíkurflugvelli en þrjátíu og fjórum þessara brottfara var aflýst. Þá var reiknað með flugi frá fjörutíu og fjórum áfangastöðum til Keflavíkurflugvallar í dag en þrjátíu og þremur af þeim hefur verið aflýst.

Utanríkisráðuneytið hvatti þá Íslendinga í gær sem enn eru staddir í öðrum löndum að snúa heim hið fyrsta ef það væri á annað borð áætlan þeirra að koma heim til Íslands því millilandaflug gæti lagst algerlega af um mánaðamótin. Í dag er áætlað flug til átta áfangastaða frá Keflavíkurflugvelli.

Á hádegi hafði Icelandair flogið til fjögurra áfangastaða, Easy Jet til tveggja og SAS og British Airways til sitt hvors staðarins. Síðdegis flýgur Icelandair til Boston og WIZZ Air til London Luton.

Á hádegi höfðu flugvélar lent frá sex áfangastöðum á Keflavíkurflugvelli, tvær frá Icelandair, tvær frá Easy Jet og ein frá British Airways og önnur frá SAS. Frá klukkan 15:20 er reiknað með komum flugvéla frá fimm áfangastöðum.

Hér fyrir neðan má sjá stöðu brottfara og koma á Keflavíkurflugvelli í dag.

Flug 22 mars

Brottfarir: 44 áætlaðar/ 10 ýmist farnar eða á áætlun

07:25 Frankfurt - Icelandair, FARIN

07:35 Stokkhólmur - Icelandair, FARIN

07:40 London Heathrow - Icelandair, FARIN

07:40 Amsterdam - Icelandair, FARIN

11:30 Manchester - Easy Jet, FARIN

11:45 Bristol - Easy Jet, FARIN

11:55 Osló - SAS, FARIN

12:25 London Heathrow - British Airways, FARIN

17:15 Boston - Icelandair, Á ÁÆTLUN

18;45 London Luton - WIZZ Air, Á ÁÆTLUN

Komur: 44 áætlaðar / 11 ýmis komnar eða á áætlun

06:05 New York JFK - Icelandair, KOMIN

06:05 Boston - Icelandair, KOMIN

10.45 Manchester - Easy Jet, KOMIN

11:05 Bristol - Easy Jet, KOMIN

11:15 Osló - SAS, KOMIN

11:30 London Heathrow - British Airways, KOMIN

15:20 Amsterdam - Icelandair, Á ÁÆTLUN

15:20 Stokkhólmur - Icelandair, Á ÁÆTLUN

15:30 London Heathrow - Icelandair, Á ÁÆTLUN

15:45 Frankfurt - Icelandair, Á ÁÆTLUN

18:00 London Luton - WIZZ Air, Á ÁÆTLUN