Grá­sleppu­veiðar stöðvaðar

Grásleppuveiðar verða stöðvaðar á miðnætti eftir að Kristján Þór Júlíusson, sjávarútvegs- og landbúnaðarráðherra, undirritað reglugerð þess efnis að veiðarnar yrðu stöðvaðar á þessu fiskveiðiári. Ástæða þess sé sú að fyrirséð er að veiðarnar muni fljótlega nálgast ráðgjöf Hafrannsóknarstofnunar um heildarafla á þessu fiskveiðiári sem eru 4.646 tonn.

Heimilt verður að gefa út leyfi til grásleppuveiða í allt að fimmtán daga til þeirra sem stunduðu veiðar árin 2018 og 2019 á Breiðafirði. Þetta er gert til að koma til móts við grásleppusjómenn sem stunda munu veiðar á þessu svæði en þær veiðar verða ekki heimilar fyrr en 20. maí næstkomandi.

„Hafrannsóknarstofnun gaf út 4.646 tonna ráðgjöf fyrir veiðar á grásleppu á þessu fiskveiðiári. Með þessari reglugerð er verið að tryggja að veiðarnar verði sem best í samræmi við vísindalega ráðgjöf og það er mikilvægt fyrir alla hlutaðeigandi,“ segir Kristján Þór Júlíusson. „Ekki síst til að tryggja að þær vottanir sem fyrir liggja tapist ekki.“