Greenwood í gæslu­varð­haldi fram að réttar­höldum

Greenwood var handtekinn í janúar á þessu ári eftir að þáverandi kærasta hans sakaði leikmanninn um kynferðisofbeldi, líkamlegt ofbeldi sem og að hóta henni lífláti. Hann var í kjölfarið handtekinn og hefur ekki spilað með Man United síðan.

Leikmaðurinn var látinn laus gegn tryggingu en var handtekinn á nýjan leik um liðna helgi vegna brota á skilorði.

Í dag fór hann fyrir dómara sem neitaði að hleypa honum aftur út í samfélagið gegn tryggingu og því verður hinn 21 árs Greenwood bakvið lás og slá þangað til mál hans verður tekið fyrir í næsta mánuði.