Úr Kvenna­skólanum í píparann

Fjöl­margar útskrift­ar­sýn­ingar nem­enda á vorönn 2025 voru einnig til umfjöll­unar hjá Hildi. Þar kom hún inn á áhuga­vert hand­verk frá útskrift­ar­nema í kjólasaumi og klæðskurði. Það er kjóll sem söng­konan Una Torfa­dóttir klæddist meðal annars á þjóðhátíð í Eyjum í fyrra sem er hannaður og saumaður af Daníel Kristni Pét­urs­syni.

„Daníel var að vinna hjá 66 norður og tók eftir peysum sem mátti ekki selja vegna framleiðslugalla. Hann fékk þá hug­mynd, að end­ur­nýta peys­urnar og búa til hlýjan kjól sem væri full­kominn fyrir úti­hátíðir. “

Úr Kvennaskólanum í píparann

Á heimasíðu Tækniskólans má finna viðtöl við nokkra útskriftarnemendur, en ein þeirra er Erla Bjarnadóttir. Hún kláraði stúdentsnám í Kvennaskólanum í Reykjavík en eftir það lá leiðin beint í Tækniskólann, því hún hafði alltaf ætlað sér að verða pípari eins og pabbi hennar.

„Pabbi er pípari og mín helsta fyr­ir­mynd. Ég byrjaði að vinna hjá honum sumarið fyrir í 8. bekk. Ég fékk fyrst bara að ryk­suga, en fylgdist alltaf píp­ur­unum og fannst starfið áhuga­vert,“ segir Erla.

Erla lýsir dvölinni í Tækniskólanum á jákvæðum nótum, segir kennarana hafa verið frábæra. Hún kveðst lengi hafa haft áhuga á myndlist, og segir teikniáfanga í píparanáminu hafa opnað leiðir til að sameina áhugann á pípulögnum og hönnun.

Hún stefnir nú á byggingartæknifræði við Háskólann í Reykjavík og langar að skoða framhaldsnám erlendis.

Erla segir að hún hafi mætt hindrunum sem ung kona í mjög karllægri iðngrein.

„Ég hef fundið fyrir ákveðnum for­dómum fyrir því að vera ung kona í svona „karla­starfi“. Stundum upp­lifi ég að það sé ekki hlustað á mig, skoðanir mínar séu hunsaðar. Vinnu­fé­lagar mínir hafa til dæmis verið spurðir hvort það sé ekki trufl­andi að vinna með „svona sætri stelpu“.

Hún segist nú vera hætt að taka slíkar athugasemdir nærri sér. Hindranirnar hafi gert hana sterkari.

„Ég vil sýna að konur geta sinnt svo­kölluðum karla­störfum – enda eru öll störf kvenna­störf.“

Grindvíkingur sem stefnir heim

Andri Hrafn Vilhelmsson útskrifaðist úr Véltækniskólanum en hann er fæddur og uppalinn í Grindavík. Hann hefur verið á flakki undanfarin ár frá rýmingu bæjarins, fyrst í sumarbústað, síðan á Stokkseyeri, svo í miðbæ Reykjavíkur og því næst í Keflavík þar sem hann býr í dag.

Hann stefnir á að flytja aftur með fjölskyldu sinni til Grindavíkur þegar grunnstoðir bæjarins verða orðnar traustar. Hann eignaðist soninn Storm má fyrir sjö mánuðum síðan.

„Ég ætlaði alltaf að verða sjómaður. Flestir í fjöl­skyld­unni eru sjó­menn. En þegar ég var að fá bíl­próf var ég mikið að pæla í því hvernig bíl ég ætti að kaupa mér. Þá vaknaði áhuginn á vélum og ég fékk þessa hug­mynd að vinna við vélar úti á sjó – svona pínu upgrade.“

Andri keypti sér, BMW E60 520i, strax eftir bíl­prófið og hefur síðan verið heillaður af vélum.

Hann hefur undanfarið ár sinnt föðurhlutverkinu samhliða náminu og setið í stjórn Skólafélags vélstjórnarnema. Í vetur hefur hann starfað bæði sem vélavörður á sjó og við vélsmíði hjá Stálvirkni í Grindavík.

Í haust hefur hann fengið pláss sem vélstjóri hjá Gjögri sem gerir út frá Grindavík með Áskeli ÞH48.