„Úr­vals­deildar­liðum verður ekki fækkað niður í 18“

Enska úrvalsdeildin hefst þann 15. ágúst næstkomandi og stendur yfir næstu 11 mánuðina ef heimsmeistaramót landsliða sem fram fer í Bandaríkjunum sumarið 2026. Úrslitaleikur HM fer fram þann 19. júlí á næsta ári.

Tímabilið í ár byrjar aðeins þremur vikum eftir að Chelsea lagði París Saint-Germain í úrslitum HM félagsliða, sem einnig fór fram í Bandaríkjunum.

Á síðasta ári sagði Rodri, miðjumaður Manchester City, að leikmenn væru nálægt því að fara í verkfall vegna fjölda leikja. Þá hafa verið orðrómar þess efnis að enska úrvalsdeildin færi að fordæmi Ligue 1 í Frakklandi þar sem liðum var fækkað úr 20 í 18 fyrir tímabilið 2023-24.

„Ég tel ólíklegt að við verðum þvinguð í þá ákvörðun,“ sagði Masters í viðtali við breska ríkisútvarpið, BBC.

„Ég er hlynntur útbreiðslu leiksins og spennandi móta sem félög okkar geta tekið þátt í en ekki á kostnað deildarkeppninnar heima fyrir,“ bætti hann við.

Englandsmeistarar Liverpool opna ensku úrvalsdeildina með leik gegn Bournemouth þann 15. ágúst næstkomandi. Allir 380 leikirnir í ensku úrvalsdeildinni verða sýndir á rásum Sýn Sport.

Hér má tryggja sér áskrift.