Lækkandi markaðs­verð hafi ekki skilað sér í lítranum

ASÍ vekur athygli á því að verð á olíu hafi farið lækkandi á heimsmörkuðum undanfarna daga í kjölfar friðarviðræðna milli Bandaríkjanna og Íran og alls lækkað um 37 prósent frá því það var sem hæst í apríl.

Verðið er nú svipað og áður en átök hófust, en lækkun á olíuverði hefur einnig komið fram í lækkun á innflutningsverði á bensíni, sem hafi verðið lækkað um 21 prósent frá því það var hæst um miðjan maí, að sögn ASÍ.

Engu að síður hafi smásöluverð á bensíni lækkað um tæplega 3 prósent á þessum tíma. Hlutur olíufélaga af hverjum seldum lítra hafi því farið vaxandi og sé nú um 60 krónur af lægsta verði, sem sé svipað og í upphafi árs.

ASÍ bendir á að lægsta verð á bensínlítranum sé að finna á stöð Costco í Kauptúni og hafi lækkað um 10 krónur á lítrann frá því það var hæst, eða um 3,5 prósent. 

Áður hafði ASÍ bent á að lækkun virðisaukaskattslækkunar hefði skilað sér hjá öllum smásölum nema Costco. Hjá öðrum smásölum hefði lækkunin verið á bilinu 5 til 6 krónur á lítrann á lægsta lítraverði eða um 2,5 prósent.