Raheem Sterling játar sök

Hinn 31 árs gamli Sterling, sem var leikmaður Liverpool og Manchester City, ók Lamborghini-bifreið sinni á ofsahraða áður en að áreksturinn varð.

Í bifreið hans fundust sex hylki af hláturgasi sem flokkað er sem þriðja flokks fíkniefni í Bretlandi.

Sterling játaði ofsaaksturinn og að hafa verið með hláturgas í vörslu sinni, til ólöglegrar innöndunar, og að hafa neitað að gefa sýni til rannsóknar.

Sterling, sem á að baki 82 A-landsleiki og lék síðast með Englandi á HM 2022, er án félags sem stendur. Hann lék síðast með hollenska liðinu Feyenoord eftir að hafa yfirgefið Chelsea í janúar en kom bara við sögu í átta leikjum Feyenoord-liðsins.

Sterling varð Englandsmeistari fjórum sinnum með Manchester City eftir að hafa komið til félagsins frá Liverpool árið 2015.