Donald Trump

Donald Trump

Fréttir tengdar 45. og 47. forseta Bandaríkjanna, Donald Trump.

Fréttamynd

Hefja aftur við­ræður við Paramount

Forsvarsmenn Warner Bros. Discovery segja viðræður við eigendur Paramount Skydance um yfirtöku hafnar á nýjan leik. Það er eftir að eigendur Paramount hækkuðu kauptilboð sitt en fyrirtækið hefur staðið í baráttu við Netflix um að kaupa WBD eða hluta félagsins.

Viðskipti erlent
Fréttamynd

Skutu eld­flaugum á Hormuz-sund þegar við­ræður hófust

Yfirvöld í Íran tilkynntu í dag að Homuz-sundi hafi verið lokað og það yrði lokað í nokkrar klukkustundir vegna heræfinga. Eldflaugum hefur verið skotið út á sundið í þessum æfingum, sem eru haldnar á sama tíma og bandarískir og íranskir erindrekar funda í Genf. Bandaríkjamenn hafa hótað árásum á Íran, semji klerkastjórnin ekki um kjarnorkuvopnaáætlun ríkisins og önnur málefni.

Erlent
Fréttamynd

Reyna að stöðva ein á­tök og koma í veg fyrir önnur

Úkraínskir, bandarískir og rússneskir embættismenn eiga að hittast í Genf í Sviss í dag og ræða mögulega leið að friði. Ekki eru þó miklar væntingar á kreiki um að fundurinn muni reynast afdrifaríkur en þetta er í þriðja sinn sem erindrekar ríkjanna þriggja koma saman á þremur vikum.

Erlent
Fréttamynd

Fluttu kjarna­kljúf með flug­vél í fyrsta sinn

Bandarískir hermenn fluttu um helgina smáan kjarnakljúf með flugvélum milli herstöðva í Kaliforníu og Utah. Var það í fyrsta sinn sem kjarnakljúfar sem þessi er fluttur með flugvélum en ríkisstjórn Donalds Trump hefur lagt mikla áherslu á þróun og notkun kjarnakljúfa.

Erlent
Fréttamynd

Það sem Marco Ru­bio virðist ekki skilja

Samstaða meðal einræðisríkja er djúpstæðasta ógnin sem Bandaríkin og bandamenn þeirra, bæði í Evrópu og á Indó-Kyrrahafssvæðinu, standa frammi fyrir. Engu að síður var hvorki minnst einu orði á Rússland né Kína í ræðu Rubio.

Umræðan
Fréttamynd

Ætla einnig að draga úr vopnakaupum frá Banda­ríkjunum

Ríkisstjórn Kanada stefnir að því að draga verulega úr því hve mikið ríkið reiðir á bandaríska vopnaframleiðendur. Til stendur að verja fúlgum fjár, sem hafa í gegnum árin endað í höndum bandarískra vopnaframleiðenda, í að byggja upp hergagnaiðnað í Kanada.

Erlent
Fréttamynd

„Þú stöðvar Pútín ekki með kossum og blómum“

Vólódímir Selenskí, forseti Úkraínu, segir að mörg mistök hafi verið gerð þegar kemur að samskiptum ríkja Evrópu og Rússlands á undanförnum árum. Það séu mikil mistök að verðlauna árásaraðila. Með þessu virðist forsetinn vera að ítreka að ekki komi til greina fyrir Úkraínumenn að hörfa frá því landsvæði sem þeir halda enn í Dónetsk-héraði.

Erlent
Fréttamynd

Telur Trump enn girnast Græn­land

Mette Frederiksen, forsætisráðherra Danmerkur, telur að Donald Trump, forseti Bandaríkjanna, girnist enn Grænland, þó hann hafi dregið úr hótunum sínum um að taka eyjuna með valdi. Þessu var hún spurð að á öryggisráðstefnunni í München í gær og sagðist hún því miður telja að lítið hefði breyst hjá Trump.

Erlent
Fréttamynd

Mildari tónn en sama inni­haldið: Sagði Evrópu „hlekkjaða af sektar­kennd og skömm“

Marco Rubio, utanríkisráðherra Bandaríkjanna, segir Bandaríkin og Evrópu tilheyra hvort öðru og eiga samleið. Í ræðu sem hann hélt í morgun á öryggisráðstefnunni í München gagnrýndi hann þó Evrópu vegna aðgerða gegn veðurfarsbreytingum, stefnu í orkumálum og þess hvernig haldið er á spöðunum varðandi málefni innflytjenda, svo eitthvað sé nefnt.

Erlent
Fréttamynd

Stærsta flugmóðurskip heims sent aftur til Mið-Austurlanda

Bandaríkin eru að senda stærsta flugmóðurskip heimsins aftur til Mið-Austurlanda. Þá verða tvö slík skip og öflugir fylgiflotar þeirra á svæðinu á sama tíma og Donald Trump er að reyna að þvinga klerkastjórn Íran til að semja um kjarnorkuvopnaáætlun ríkisins og önnur málefni.

Erlent
Fréttamynd

Lofaði öllu fögru í von um sendi­herra­em­bættið

Billy Long, sendiherraefni Bandaríkjaforseta á Íslandi, flutti í dag vitnisburð fyrir utanríkismálanefnd öldungadeildar Bandaríkjanna. Samþykki nefndin tilnefninguna er Long einu skrefi nær embætti sendiherra Bandaríkjanna á Íslandi.

Erlent
Fréttamynd

Kúba og sviftingar í heims­málunum

Það hefur ekki farið hátt hér á landi að um síðustu mánaðarmót gaf Donald Trump fyrirmæli þar sem kveðið er á um refsingar gagnvart þeim þjóðum sem selja eða útvega Kúbu olíu.

Skoðun
Fréttamynd

Í­hugar að senda annað flugmóðurskip til Mið-Austurlanda

Bandaríkjamenn leggja nú línurnar að því að senda annað flugmóðurskip og fylgiflota þess til Mið-Austurlanda. Donald Trump, forseti, sagðist fyrr í vikunni vera að íhuga að senda annað flugmóðurskip í undirbúningi fyrir mögulegar árásir á Íran, ef viðræður við klerkastjórnina þar skila engum árangri.

Erlent
Fréttamynd

Menn sem murka lífið úr öndunum á Tjörninni

Samkvæmt samfélagsmiðlanotanda í Garðabæ þorir fólk varla lengur út af heimilum sínum í London vegna yfirgangs glæpalýðs og innflytjenda. Ég leit af Twitter og út um gluggann heima hjá mér þar sem ég bý í London. Allt virtist með kyrrum kjörum. En hvað var þetta? Gat verið að þarna færi maður sem murkaði lífið úr svani og lagði hann sér svo til munns?

Lífið
Fréttamynd

Leitarheimild byggði á löngu afsönnuðum á­sökunum um svindl

Útsendarar Alríkislögreglu Bandaríkjanna (FBI) studdust við gamlar og í mörgum tilfellum löngu afsannaðar ásakanir um kosningasvindl í Georgíu í kosningunum 2020 þegar húsleit var nýverið gerð hjá kjörstjórn Fulton-sýslu. Rætur rannsóknarinnar má rekja til embættismanns í Hvíta húsi Donalds Trump sem hefur áður reynt að hjálpa forsetanum að snúa úrslitum kosninganna 2020, þegar Trump tapaði fyrir Joe Biden.

Erlent
Fréttamynd

Íri í haldi ICE óttast um líf sitt

Hinn írski Seamus Culleton hefur setið í fangageymslu Innflytjenda- og tollastofnunar Bandaríkjanna (ICE) í nærri því fimm mánuði og segist óttast um líf sitt. Hann var handtekinn fyrir að vera lengur í Bandaríkjunum en níutíu daga vegabréfsáritun sem hann fékk árið 2009 heimilaði honum en hann er giftur bandarískri konu, með vinnuleyfi í Bandaríkjunum og rekur verktakafyrirtæki í Boston.

Erlent
Fréttamynd

Rifust um Trump áður en faðir skaut dóttur sína til bana

Lucy Harrison, 23 ára bresk kona frá Warrington í Cheshire, var skotin til bana þann 10. janúar í fyrra þegar hún var í heimsókn hjá föður sínum í Prosper, nærri Dallas í Texas í Bandaríkjunum. Faðir Harrison er sagður hafa skotið dóttur sína í bringuna með þeim afleiðingum að hún lést, eftir að feðginin hafi átt í rifrildi um Donald Trump Bandaríkjaforseta.

Erlent
Fréttamynd

Norð­menn geti ekki úti­lokað inn­rás Rússa

Eirik Kristoffersen, yfirmaður norska hersins, segist ekki geta útilokað þann möguleika að Rússar muni freista þess að ná undir sig landi í eigu Noregs og Finnlands til að tryggja hernaðarinnviði sína á Kólaskaga.

Erlent

Mest lesið