Körfubolti

Loksins fór vörn Lakers í gang

Ástrós Ýr Eggertsdóttir skrifar
LeBron og félagar fóru loks að spila vörn í nótt
LeBron og félagar fóru loks að spila vörn í nótt vísir/getty
Það tók lið LA Lakers 12 leiki að ná að halda andstæðingi sínum undir 100 stigum og það gott betur þegar liðið vann Sacramento Kings 101-86.

Reyk frá skógareldunum sem geysa í Kaliforníufylki lagði inn í Golden 1 höllina í Sacramento og neyddist Luke Walton til að rótera liði Lakers meira en hann hefði annars gert. Það kom þó ekki að sök, hans menn náðu í sinn sjötta sigur á tímabilinu og eru nú 6/6 eftir tólf leiki.

LeBron James skoraði 25 stig þrátt fyrir höfuðverk vegna reyksins og Tyson Chandler tók 12 fráköst en það var varnarleikurinn sem skilaði Lakers sigrinum. Þetta var í annað skiptið á tímabilinu sem Sacramento skoraði undir 100 stig.





Í Memphis þurfti að grípa til framlengingar til þess að knýja fram úrslit á milli heimamanna í Grizzlies og Philadelphia 76ers.

Gærdagurinn var erfiður fyrir lið 76ers því í gær bárust fréttir af því að tveir byrjunarliðsmenn liðsins, Robert Covington og Dario Saric, ásamt varamanninum Jerryd Bayless eru á leið til Minnesota Timberwolves í skiptum fyrir Jimmy Butler.

Kvöldið varð svo enn verra þegar 32 stig Mike Conley hjálpuðu Memphis að 112-106 sigri í framlengingu. Þetta var annað kvöldið í röð sem 76ers fara í framlengingu og því ekki að undra að leikmenn liðsins hafi ekki verið í sínu besta formi.

Memphis er enn ósigrað á heimavelli eftir fimm heimaleiki.





Kevin Durant var með tvöfalda tvennu í sigri meistaranna í Golden State Warriors á Brooklyn Nets. Durant setti 28 stig og tók 11 fráköst í leiknum þar sem Stephen Curry sat hjá vegna meiðsla.

Quinn Cook steig upp þegar Curry meiddist í lok síðasta tímabils og hann var tilbúinn í slaginn í nótt. Hann skoraði 27 stig, hans besta á tímabilinu til þessa, og hjálpaði Warriors ná áhlaupi í þriðja leikhluta sem tryggði sigurinn.

Kevin Durant fuels the @warriors win with 28 PTS and a season-high 11 AST! #DubNationpic.twitter.com/59xRCcvwf9

— NBA (@NBA) November 11, 2018



Úrslit næturinnar:

Toronto Raptors - New York Knicks 128-112

LA Clippers - Milwaukee Bucks 128-126

New Orelans Pelicans - Phoenix Suns 119-99

Miami Heat - Washington Wizards 110-116

Chicago Bulls - Cleveland Cavaliers 99-98

Memphis Grizzlies - Philadelphia 76ers 112-106

San Antonio Spurs - Houston Rockets 96-89

Golden State Warriors - Brooklyn Nets 116-100

Dallas Mavericks - Oklahoma City Thunder 111-96

Sacramento Kings - Los Angeles Lakers 86-101

NBA

Mest lesið


Fleiri fréttir

Sjá meira


×

Mest lesið