Fyrr­verandi leik­maður United laminn á bar í Moskvu

Andrei Kanchelskis horfði á Spán vinna England í úrslitaleik EM á bar í Moskvu. Eftir leikinn lenti hann í rifrildi við annan gest sem endaði með því að þeir slógust.

Kanchelskis fór verr út úr slagsmálunum og fékk veglegt glóðarauga. Starfsmenn barsins huguðu að gömlu United-hetjunni og hringt var á sjúkrabíll en ekki var farið með Kanchelskis upp á spítala.

Í viðtali við SE í Rússlandi sagðist Kanchelskis hafa það ágætt. Hann hafi lent í orðaskaki við manninn en það var þó ótengt úrslitaleiknum á EM. 

Kanchelskis lék með United á árunum 1991-95 og varð tvisvar Englandsmeistari með liðinu. Hann lék einnig með Everton, Manchester City og Southampton á Englandi auk Rangers í Skotlandi.