Viðskipti innlent

Ein belja varð Vil­hjálmi í Smá­ríkinu að falli

Vilhjálmur Forberg Ólafsson, forsvarsmaður áfengisnetverslunarinnar Smáríkisins, hefur verið sakfelldur fyrir að hafa selt eina þriggja lítra belju af chardonnay í lok maí í fyrra. Hann hlýtur 100 þúsund króna sekt fyrir brotið. Greiði hann ekki innan fjögurra vikna þarf hann að sæta fangelsisvist í átta daga. Þá var hann dæmdur til að greiða málsvarnarlaun verjanda síns, 4,9 milljónir króna.

Viðskipti innlent

Taka loks við reiðu­fé tuttugu mánuðum frá opnun

Lágvöruverðsverslunin Prís tekur nú við peningum í formi seðla og mynta á nýjum afgreiðslukössum þar sem starfsmaður afgreiðir hvern viðskiptavin fyrir sig. Frá því að verslunin var opnuð fyrir tuttugu mánuðum hefur hún aðeins verið með sjálfsafgreiðslukassa og ekki tekið við reiðufé.

Viðskipti innlent

Far­þegum fjölgaði á milli ára í mars

Icelandair flutti 342 þúsund farþega í mars 2026, 10 prósentum fleiri en í mars á síðasta ári. Í mánuðinum voru 39 prósent farþega á leið til Íslands, 22 prósent frá Íslandi, 32 prósent voru tengifarþegar og sjö prósent ferðuðust innanlands.

Viðskipti innlent

Markaðurinn tók tíðindunum vel

Forstjóri Icelandair segir það koma í ljós á næstu vikum hvort félagið kaupi tæpan helming í Fly Play Europe á Möltu, dótturfélagi Play sáluga. Félagið sem var stofnað árið 2024, býður á heimasíðu upp á leiguflug og áhafnir.  

Viðskipti innlent

Töldu nauð­syn­legt að taka stærra skref en lutu í lægra haldi

Skiptar skoðanir voru innan peningastefnunefndar Seðlabankans um síðustu stýrivaxtahækkun og vildu tveir nefndarmenn af fimm hækka vexti um 0,50 prósentustig í stað 0,25. Seðlabankastjóri og aðrir nefndarmenn sem studdu hófsamari tillöguna telja skýrt að frekara hækkunarskref þurfi að taka í maí nema verðbólguhorfur „batni verulega í millitíðinni.“  

Viðskipti innlent

Kallar eftir breytingum á líf­eyris­kerfinu til að lækka íbúðalánavexti

Ráðast þarf í breytingar á íslenska lífeyriskerfinu til að skapa varanlegar forsendur fyrir lægri vöxtum á íbúðalánum, að mati Benedikts Gíslasonar, bankastjóra Arion banka. Í aðsendri grein á Innherja heldur hann því fram að núverandi fyrirkomulag lífeyriskerfisins, þar sem verðtrygging og föst raunávöxtunarforsenda séu í lykilhlutverki, haldi uppi hærra vaxtastigi en ella og bitni sérstaklega á ungu fólki á húsnæðismarkaði.

Viðskipti innlent

Engar fækkanir fyrir­hugaðar fari kaupin í gegn

Icelandair kannar kaup á tæplega helmingshlut í starfsemi Fly Play á Möltu. Forstjórinn segir að takist kaupin muni það efla starfsemi félagsins. Ekki sé gert ráð fyrir fækkun starfsfólks hér á landi. Þrotabú Play mun fá tiltekna hlutdeild í fyrirhuguðum viðskiptum gangi kaupin eftir.

Viðskipti innlent

Samkaup eykur hlut sinn í Kjötkompaní

Samkaup hefur aukið eignarhlut sinn í Kjötkompaníinu upp í 48 prósent samkvæmt tilkynningu frá félaginu. Samkaup keypti 38 prósenta hlut í október en samkvæmt tilkynningu vildi félagið auka hlut sinn vegna góðs samstarfs.

Viðskipti innlent

SKE gert aftur­reka með ógnarlanga stefnu og kærir til Lands­réttar

Héraðsdómur Reykjavíkur hefur vísað máli Samkeppniseftirlitsins á hendur Samskipum frá dómi á þeim grundvelli að stefna í málinu fæli í sér skriflegan málflutning. Stefnan var heilar 135 blaðsíður, sem er um fimmföld hámarkslengd stefna, sem reglur Dómstólasýslunnar kveða á um. Samkeppniseftirlitið telur að nauðsynlegt hafi verið að reifa málið ítarlega í stefnu og hefur því ákveðið að kæra frávísunarúrskurðinn til Landsréttar.

Viðskipti innlent

Bankaskatturinn á að skila sex milljörðum í ríkis­sjóð

Boðaðar viðbótarskatttekjur fjármála- og efnahagsráðherra á fyrirtæki í fjármálageiranum eiga að skila sex milljörðum til ríkisins. Ráðherrann lét það ekki fylgja með í fjármálaáætluninni hversu hárrar upphæðar skatturinn ætti að afla en það gerði framkvæmdastjóri þingflokks Samfylkingarinnar.

Viðskipti innlent

„Við erum ekkert æst í að fá nýjan skatt“

Framkvæmdastjóri Samtaka fyrirtækja í fjármálaþjónustu segir boðaðar viðbótarskatttekjur frá fyrirtækjum í fjármálageiranum koma verulega á óvart. Algjör óvissa ríki um það um hvers konar viðbótarskatta verður að ræða og þegar hafi verið óskað eftir fundi með fjármálaráðherra. Íslensk fjármálafyrirtæki greiði nú þegar flesta og hæstu skatta allra banka í þeim löndum sem Ísland ber sig saman við.

Viðskipti innlent

Mest lesið