Donald Trump

Donald Trump

Fréttir tengdar 45. og 47. forseta Bandaríkjanna, Donald Trump.

Fréttir í tímaröð

Fréttamynd

Gefur ekki mikið fyrir yfir­lýsingar Trump um út­rýmingu Íran

Albert Jónsson, sérfræðingur í öryggis- og varnarmálum og fyrrverandi sendiherra, segir erfitt að rýna í nýjustu yfirlýsingar Donalds Trump, forseta Bandaríkjanna. Hann hafi á sínum forsetaferli gefið út ýmsar yfirlýsingar sem hann svo stendur ekki við. Það verði að gefa sér að það sama gildi nú.

Innlent
Fréttamynd

Leggur hundrað prósenta toll á einkaleyfisvarin lyf

Donald Trump Bandaríkjaforseti undirritaði í dag forsetatilskipun sem felur í sér hundrað prósenta toll á innflutt lyf sem framleidd eru undir einkaleyfi. Framleiðendur geta komið sér hjá tollinum með því að semja við Bandaríkjastjórn um lægra verðlag eða skuldbinda sig til að framleiða lyfin innan Bandaríkjanna.

Viðskipti erlent
Fréttamynd

Gerði grín að Macron og eigin­konu hans með frönskum hreim

Emmanuel Macron Frakklandsforseti segir ummæli Donalds Trump Bandaríkjaforseta um eiginkonu sína „hvorki smekkleg né viðeigandi“ en Trump gerði sér upp franskan hreim og gerði grín að frönskum starfsbróður sínum og eiginkonu hans í einkahádegisverði í Washington.

Erlent
Fréttamynd

Segir NATO „pappírstígur“ og í­hugar að hætta

Donald Trump segist íhuga það alvarlega að Bandaríkin hætti í Atlantshafsbandalaginu. Trump hefur lengi talað gegn bandalaginu og hefur hann virst reiður út í bandalagsríki Bandaríkjanna fyrir að aðstoða ekki við árásir á Íran og koma ekki askvaðandi þegar hann bað um aðstoð við að opna Hormússund aftur.

Erlent
Fréttamynd

Dómari stöðvar fram­kvæmdir við veislu­salinn

Bandarískur dómari stöðvaði í gær byggingu nýs veislusalar við Hvíta húsið. Hann sagði að vinnan mætti ekki halda áfram, án þess að þingið veitti henni blessun sína. Þetta sagði alríkisdómarinn Richard Leon í máli sem verndarsamtök höfðuðu gegn ríkisstjórn Donalds Trump.

Erlent
Fréttamynd

Segir að að­gerðum gæti lokið eftir tvær til þrjár vikur

Donald Trump Bandaríkjaforseti segir Bandaríkjamenn munu „yfirgefa“ Íran innan tíðar og að hernaðaraðgerðum gæti lokið eftir tvær til þrjár vikur. Þá segir hann aðalmarkmiðum hafa verið náð, það er að segja að koma í veg fyrir að Íranir eignuðust kjarnavopn.

Erlent
Fréttamynd

„Banda­ríkin verða ekki lengur til staðar fyrir ykkur“

Donald Trump segir að þau ríki heims sem skorti eldsneyti vegna lokunar Hormússunds og hafi neitað að aðstoða Bandaríkin í stríðinu gegn Íran, standi ein. Forsetinn nefnir Bretland sérstaklega og segir að Bandaríkin verði ekki lengur til staðar fyrir þessi ríki.

Erlent
Fréttamynd

Segir við­ræður ganga stór­vel en hótar stríðsglæpum

Bandaríkjamenn eiga í viðræðum við „nýja og skynsamari“ ríkisstjórn í Íran um að binda enda á árásir á landið. Þessar viðræður hafa skilað miklum árangri, eftir því Donald Trump Bandaríkjaforseti, segir en hann hótar þó umfangsmiklum stríðsglæpum gegn Íran, náist samningar ekki fljótt og verði Hormússund ekki opnað fyrir skipasiglingar á nýjan leik.

Erlent
Fréttamynd

„Leyni­leg á­róðurs­her­ferð“ fyrir opnum tjöldum

Þrír Bandaríkjamenn með tengsl við Donald Trump, forseta Bandaríkjanna, voru í fyrra sagðir undir eftirliti dönsku leyniþjónustunnar. Voru þeir sakaðir um að eiga í eins konar leynilegri áróðursherferð í Grænlandi og leggja grunninn að mögulegri yfirtöku Bandaríkjanna á eyjunni, eins og Trump hefur ítrekað talað um.

Erlent
Fréttamynd

Bað auðjöfra um pening: Hét því að halda stríðinu á­fram

Vladimír Pútín, forseti Rússlands, hefur beðið rússneska auðjöfra um að gefa peninga í ríkissjóð til að bæta fjárstöðu ríkisins. Á fundi með auðjöfrum í gær hét Pútín því að halda stríðinu í Úkraínu áfram, í það minnsta þar til Rússar hefðu náð stjórn á öllu Donbas-svæðinu svokallaða.

Erlent
Fréttamynd

Undir­skrift Trumps bætt á banda­ríska seðla

Undirskrift Donalds Trump, forseta Bandaríkjanna, verður sett á eins dals seðla í Bandaríkjunum og mögulega fleiri seðla en það þykir enn óljóst. Verður hann fyrsti forseti Bandaríkjanna til að hljóta þann heiður en nafni Trumps hefur verið bætt á hina ýmsu hluti vestanhafs að undanförnu.

Erlent
Fréttamynd

Heimta enn að­stoð sem þeir segjast ekki þurfa

Marco Rubio, utanríkisráðherra Bandaríkjanna, tekur undir með Donald Trump, forseta, um að bandamenn Bandaríkjanna í Evrópu þurfi að gera meira þegar kemur að því að opna Hormússund fyrir umferð olíuflutningaskipa á nýjan leik. Rubio segir Bandaríkjamenn sífellt beðna um að styðja Úkraínu og hjálpa til í stríði sem sé á annarri heimsálfu. Þegar Bandaríkjamenn þurfi á aðstoð að halda hafi Trump fengið neikvæð svör.

Erlent
Fréttamynd

Segir við­semj­endur ekki þora að gangast við við­ræðum

Donald Trump Bandaríkjaforseti segir stjórnvöld í Íran áfjáð í að komast að samkomulagi til að binda enda á árásir Bandaríkjanna og Ísrael en að þau séu hrædd við að viðurkenna það. Viðsemjendur Bandaríkjanna óttist að vera myrtir af eigin stjórn. „Þeir eru líka hræddir um að verða drepnir af okkur,“ sagði forsetinn í gær.

Erlent
Fréttamynd

Sjálf­skipaður Yoda okkar Ís­lendinga hefur rangt fyrir sér

Eitt má Donald Trump Bandaríkjaforseti eiga: Hann er góður landafræðikennari. Þótt gáfulegir stjórnmálaskýrendur tali eins og þeir hafi fæðst með vitneskjuna um hvar Hormús-sund er að finna á korti, höfðu fæst okkar heyrt af þessari lífæð nútímans fyrr en í síðasta mánuði – þar með talinn Trump sjálfur, af atburðum síðustu vikna að dæma.

Lífið
Fréttamynd

Skrúfa fyrir eina helstu leiðina fyrir gas til Úkraínu

Ríkisstjórn Viktors Orbán í Ungverjalandi hefur ákveðið að skrúfa fyrir gasleiðslur til Úkraínu til þess að knýja á um að olíuleiðsla frá Rússlandi verði opnuð aftur. Orbán hefur tekið upp enn harðari stefnu gegn Úkraínu en áður í harðri kosningabaráttu sem hann háir heima fyrir.

Erlent

Mest lesið